دنيا غريبه

ناس نادوها ناريما،نهى وايمان،نزار،هيثم وناس نادوها ياكلتوم ويافطوم وودبعشوم

ناس فى الحب بتدخل توش بدون تقديم بدون تلميح معاها قروش شبع موديل سنه ألفين بيملى الحوش

وناس بتريد بكاها يزيد وما بتوصل دوام يدوها بالشاكوش عشان تعبان مفلس تب ما عندو ماكنتوش وتسمع لب لب لب

وراسوا يدوش ويبقى عموش يقولوا عليهو شهيد فى الحب ومات مغشوش

وحالى البى اصبح كيف ده من شفتك غشانى خريف
مطر من جسمى نازل شو ويوم سيرتك يجيبوها ابقى اخاف اكون رجاف بدل رفدور ارش بف باف

قميصى الساوى لى غلبه مسكتو لبستو بالقلبه
ادور انضم اتمتم زيييييييييييييين وامرق الكلمه بعد غلبه


واااااتلخبط

كراع جزمه واعين التانيه القى شبط واكون ملخوم


اشوف سينير ...اقول برلوم
امش شمبات...اقول ام دوم
اشوف شندى...اقول خرطوم

اقلب الحال...ليلى سهر...وصباحى نوم

واحلم يوم تكونى معاى ونطلع مكان هاااااى تشربى كولا واقعد ساى
ويبقى مناى القاك...اعاين ليك صباح ومساء

مناى القاك يا السمحه منا تجودى بى عينيك قد لمحه
ولمن تلبسى الطرحه...تصاب معدتنا بالقرحه

ويجربوا فينا كل علاج وما بينفعنا
واشوف قدرى اكان حبيت وشاع خبرى
وقبل ما اموت ...اقول كلمات
اوصى بدفنى فى الاحفاد
ويبقى فراشى فى شمبات